Albumo ref.: VKKD130-066
albumo 11 titoloj – 53:43 mn
Disponebla laŭ MP3 – 320 Kb/s kaj OGG formatoj
Sovaĝa animo - BaRok-Projekto – Catalão (Goias, Brazilo)
Kunproduktita de Marco Aquilino/BaRok-Projekto/Vinilkosmo © 2016
Atentigo : **La plena albumo ankaŭ estas disponebla laŭ tiuj bitformatoj, alklakante sur la dezirata formato:
OGG , FLAC , aŭ Elsendfluo (MUZIK-KLUBO).
Kontaktu nin por mendi unuopajn trakojn por elŝuti en mp3 aŭ alia formato.
Apero de la Bita albumo la 13an de Julio 2016
Apero de la fizika KD albumo la 26an de Septembro
La albumo Sovaĝa animo (2016) alvokas la diojn de la brazila tupia mitologio en ia sona rito, kaj ofertas fortajn ripetfrazojn, potencan voĉon, pezan muzikon, kaj allogajn tekstojn.
Produktita de la sperta Marco Aquilino kaj mastrigita en Francio de Triboulet en Studio de la Trappe, ĉi tiu koncepta albumo reflektas la prapatrecon de la muzikistoj kaj prezentas parton de la grandega brazila panteono.
Por ĉi tiu nova laboro la bando invitis specialajn gastojn: Marlon Baco de la bando Volúpia di Baco kiu partoprenis en la trako "Reĝino de la nokto"; tenoro Wesley Sousa en koralo de "Tauba kaj Kerana"; Miguel Brasil klavaristo en la trakoj "Kaapora" kaj "Droniga pasio"; Rikardo Cash la rakontanto de "Antaŭparolo de prapatra kaciko".
La arta kovrilo kaj la libreto estis faritaj de la talentoplenaj manoj de Carlos Fides (Artside, kiu jam kreis artaĵojn por la bandoj Edu Falaschi, Evergrey, Narnia, Oficina G3, ktp.).
En Sovaĝa animo, BaRok-Projekto montras al la mondo kion ili faras plej bone: pezajn kaj elegantajn muzikverkojn kun iom da klasika kaj folklora muziko en mirinda elmontro. La albumo enhavas 11 titolojn.
BaRok-Projekto en tiu albumo estas:
Karliene Araújo – voĉo
Rafael Milhomem – elektra gitaro, bekfluto, melodiko (blovklavaro), klavaro, kavakinjo, kaj perkutinstrumentoj
Muniz – akustika kaj elektra gitaroj, klavaro, kaj korusaj-voĉoj
Thiago Alberto – basgitaro
Junior Nieri – drumo
Gastoj:
Marlon Baco – voĉo en la titolo “Reĝino de la nokto”
Rikardo Cash – rakontado en la titolo “Antaŭparolo de prapatra kaciko”
Marco Aquilino – gitar-soloo en la titolo “Tauba kaj Kerana”
Wesley Souza – tenoro kaj baso en la titolo “Tauba kaj Kerana”
Miguel Brasil – klavaro en la titoloj “Droniga pasio” kaj “Kaapora”
Mastrigado: Triboulet (Studio de la Trappe) en Donneville, Okcitanio / Francio
Registrado kaj miksado: Marco Aquilino (MStúdio) en Brazilo
Teksta revizianto: Rikardo Cash
Foto: Helton Rocha
kovrilbildo kaj kompostado: Carlos Barbosa (Artside)
ABONKLUBO
Subtenu aktive la muzikeldonejon Vinilkosmo kaj ĝian muzikan produktadon en esperanto, la aperon de novaj albumoj, aŭ la reeldonon de malnovaj albumoj.
La sola alternativo estas ke ĉiuj kiuj volas daŭre aŭskulti esperantan muzikon de la katalogo de Vinilkosmo tra la justa elsendfluejo Muzik-Diverseco kaj aliloke, aliĝu al la ABONKLUBO.
Eblas ankaŭ konsulti la muzikajn novaĵojn de la Blogo aŭ en la Informletero de Vinilkosmo.