Albumo ref.: VKKD126-AB
KD 13 titoloj – 45:00 mn
Disponebla laŭ MP3 – 320 Kb/s kaj OGG formatoj
Emocioj - Damjanov kaj Rabu – Bulgario / kanado
Poduktita de Wally G. du Temple © 2014
Atentigo : **La plena albumo ankaŭ estas disponebla laŭ tiuj bitformatoj, alklakante sur la dezirata formato:
OGG , FLAC , aŭ Elsendfluo (MUZIK-KLUBO).
Kontaktu nin por mendi unuopajn trakojn por elŝuti en mp3 aŭ alia formato.
Jen estas kompilaĵo de kantoj en esperanto ĉerpitaj el du vinildiskoj kaj kasedoj, elĉerpitaj de pli ol du jardekoj, kiuj nepre vekos memorojn por iuj kaj rakontos grandan historion por aliaj.
Estas dank’ al la iniciato de la kanada produktanto Wally G. du Temple kaj lia kunlaboro kun Joëlle Rabu, memlerninta kantistino dotita de escepta voĉo, ke ni povas havi tion kio estas antaŭ ĉio omaĝo al Veselin Damjanov, sed ne nur.
La granda parto de ĉi tiu kompilaĵo estas dediĉita al li, kun pecoj kantitaj en esperanto, registritaj dum turneo en Kanado organizita de Wally en la 80-aj jaroj. Bitigitaj, remastrigitaj, kaj disponeblaj por ĉiuj en formato kies longdaŭrecon Veselin Damjanov certe amintus!
La dua parto de la albumo, apartigita de la unua per du instumentaĵoj de Tom Neville kaj Charlie Knowles, havas du unikajn versiojn de Édith Piaf kantitajn en esperanto, eltiritajn de la vinildisko de Joëlle Rabu, “Passport”. Ĉi tiu albumo datiĝas de la renkontiĝo de Joëlle Rabu kaj Veselin Damjanov, kiu konvinkis Joëlle adopti esperanton por elradiigi sian belegan voĉon trans limojn. Estas ankaŭ per plurlingva kanto de Joëlle Rabu, titolita “Esperanto”, ke la albumo finiĝas.
En la KD-versio estas ankaŭ inkluzivitaj dokumentoj en PDF-formato prezentante la artistojn kaj la kantotekstojn, kaj MP4-video filmita en televida studio montranta Veselin Damjanov kanti du kantojn kun la infanoj de Wally G. du Temple, esperantistoj jam de tre juna aĝo!
Krom la porcio de esperanta kantmuzika historio kiu materiiĝas en ĉi tiu verko, ĉi tiu albumo kaptas la amikecon kiu ofte ekestas kiam kulturaj baroj falas samtempe kun lingvaj limoj.
Jen kolektindaĵo!
Damjanov kaj Rabu en ĉi tiu albumo estas:
Part. A
-Veselin Damjanov: voĉo
-Bruce Jhonston: Piano
Part. B
Interludoj:
-Tom Neville: aranĝoj, gitaro, mandolino kaj violono
-Robert Neville: irlanda fluto
-Charlie Knowles: Baso, "Fretless trombono"
-Ron Stelting: perkutinstrumentoj
-Jack Stafford: clarneto
-Joëlle Rabu: voĉo
-J. Douglas Dodd: aranĝoj, akordiono, gitaro, sintezilo
-Claude Piron : Esperanto tradukado (Edith Piaf, J. Rabu)
-Charlie Knowles: baso , violonĉelo, gitaro, harmoniaj voĉoj
-Tom Neville: violono, gitaro, banĝo
-Reg Block: gitaro
Por la kanto "Esperanto"
-Bruce Rodney Dunn : dirigento de la Canada okcidenta chambra Orkestro
-Marl koening : Koncertmajstro
-Robert MacDonald: clarneto
-Elizabeth McBurney: flute
-Bruce Dunn: korno
-Brian G'Froerer: korno
-Gordon Cherry: trombono
-Douglas Sparkes: trombono
-Reg Block: gitaro
-Sal Ferreras: timbalo, perkutinstrumentoj
-Scott Robertson: tamburo
-Robert Lang: dirigento de la Vankuvera Infankoruso
Registrita en la studio Goldrush Recording Company en Vankuvero (Kanado) en 1984
Soninĝenieroj: Simon Garber, Charlie Knowkles kaj Phil Posner
Bitigita kaj mastrigita de: Simon Garber kaj Charlie Knowkles en 2013
Koncepto kaj realigado de la kovrilo kaj KD-libreto: Mark Dowding - Windgod Media Services
ABONKLUBO
Subtenu aktive la muzikeldonejon Vinilkosmo kaj ĝian muzikan produktadon en esperanto, la aperon de novaj albumoj, aŭ la reeldonon de malnovaj albumoj.
La sola alternativo estas ke ĉiuj kiuj volas daŭre aŭskulti esperantan muzikon de la katalogo de Vinilkosmo tra la justa elsendfluejo Muzik-Diverseco kaj aliloke, aliĝu al la ABONKLUBO.
Eblas ankaŭ konsulti la muzikajn novaĵojn de la Blogo aŭ en la Informletero de Vinilkosmo.