Vinilkosmo-kompil' Volumo 1

En marto 1995 aperis la unua volumo de Vinilkosmo-Kompil', kompaktdiske (KD) kaj kasede (KS).

Vinilkosmo-Kompil' estas kolektaĵo kiu ofertas vastan elekton de stiloj por prezenti la kulturan riĉecon de esperanto.
La projekto inkluzivigas du volumojn, ĉar estis tro da proponoj por unusola. La dua volumo aperis unu jaron post la unua.

EUROKKA ricevis plurajn subtenojn por tiu ĉi projekto, kaj ni volas aparte danki FAME-Fondaĵon, SAT-Junulfakon, la Prima de las Lengas (la Printempon de Lingvoj, okcitana festivalo de Tuluzo), la Eŭropan Junular-Fondaĵon kune kun TEJO, kies fakasocio EUROKKA estas, kaj Edukan Fondaĵon CARSON, kiu subtenas nin specife por la dua volumo.

Partoprenis en tiu ĉi volumo 15 artistoj kaj bandoj: Ĵomart kaj Nataŝa (Kazaĥio-Svedio), Ĵak Yvart (Dunkirko, Francio), Kajto (Frislando, Nederlando), Frávio Fonseca (Brasília, Brazilo), La Mevo (Jokohamo, Japanio), Solo (Málaga, Hispanio), Amplifiki (Stokholmo, Svedio), Persone (Stokholmo, Svedio), La Rozmariaj Beboj (Les Rosemary's Babies, Tuluzo, Okcitanio-Francio), Bruemaj Najbaroj (Noisy Neighbours, Tuluzo, Okcitanio-Francio), La Alburnoj (Les Ablettes, Fumel, Francio), Piŝamandurjes (Pixamandúrries, La Bisbal, Katalunio), EV (Nantes, Bretonio-Finnlando), Tutti Futti (Thionville, Loreno, Francio), La Mondanoj (Berlino, Germanio).

Specialajn dankojn al ĉiuj kiuj fidis nin kaj kiuj faris antaŭmendojn, kaj al kelkaj kiuj faris mondonacojn por subteni la kompil-projekton.

Dankojn pro:
- la konsiloj kaj subteno al Marcelo Redoulez kaj Saskia Idzerda.
- ilia enlanda varbado al Edmund Grimley Evans (Britio), Hermann Deceunninck (Belgio), Ono Takao (Japanio), Rafa Blanco (Eŭskio), Fokomelo (Hispanio), Jimmy (Danio), Marcos Cruz (Hispanio), ktp.
- al Tony Guyot, Mark Eaton, kaj Louis Rafenomanjato pro la komputikaj glataĵoj kaj supersignoj.
- al Fabrice Morandeau kaj Monique Loubières de Nantes pro la asistado kaj studia kunlaboro por EV.
- la tradukoj al Ursula Redoulez kaj Karlheins Croissant (germana), kaj Mani Massafra kaj Alfons Martorell (hispana).
- la permesoj al Patricia Teglia de Lola Label el Nantes, kaj Bernard Villeneuve "Generalo" de Willing Productions.
- al Rémy Castan el la Mediteranea Fonoteko pro la teknika kaj arta kunlaborado.

Dankegojn al Sylvie, Karlin', Nevik', Liberto, Manola, kaj Alfons pro ilia pacienco, kompliceco, kaj helpego, kaj al ĉiuj artistoj kaj bandoj pro ilia sindonemo.
Teksto reviziado: Rikardo Cash.
Teknika realigado de la kompilo kaj mastrigado: Laurent Ives de Solstice Studio (Tuluzo). 
Grafika koncepto kaj realigado de la libreto: Mark Eaton kaj Louis Rafenomanjato.